Լուրեր

20/09/2024

Մեկնարկել է Art Forest նախագիծըԻմ անտառ Հայաստանը և Կողբ հիմնադրամը միավորվում են՝ վերականգնելու 77 հա անտառ2024 թվականի սեպտեմբերի 20-ին Holiday Inn հյուրանոցում տեղի ունեցավ «Կողբ» հիմնադրամի և «Իմ անտառ Հայաստան»-ի համատեղ մամուլի ասուլիսը։ Այդ օրը ստորագրեցինք երկարաժամկետ համագործակցության հուշագիր՝ առավելագույնի հասցնելու մեր անտառվերականգնման ջանքերը։Այս տարի աշխատանքները կտարվեն Տավուշի մարզի Իջևան քաղաքի մոտակայքում․ անտառվերականգնման տարածքը բաժանված կլինի միմյանց հարող երեք հատվածների, որոնք կոչվելու են երեք  հայ անվանի մեծերի՝ կոմպոզիտոր Կոմիտասի, գրող Կոստան Զարյանի և նկարիչ Մարտիրոս Սարյանի անուններով։Մեր կազմակերպության հիմնադիր Անտրէ Գումուշճեանը նշեց Հայաստանում մարդկային գործունեության հետևանքով զգալիորեն դեգրադացված անտառների վերականգնման կարևորությունը՝ կլիմայի փոփոխության աճող սպառնալիքներին դիմակայելու համար։«Կողբ» հիմնադրամի խորհրդի նախագահ Արման Բարսեղյանն ընդգծեց հայ մշակույթը ներկայացնող ականավոր գործիչներին այս առանձնահատուկ կերպով նշելու իր ցանկությունը, և ցանկություն հայտնեց, որ շրջակա միջավայրի նկատմամբ հոգատարությունը Հայաստանում մշակույթ դառնա։Միջոցառմանը ներկա էր նաև այս նախաձեռնության ջատագով մաեստրո Տիգրան Մանսուրյանը, ով շնորհավորեց բոլորին

16/09/2024

ԱՅՑ ՀԱՅԿԱԿԱՆ ԴՐԱՄԻ ԱՆՏԱՌՆԵՐՍեպտեմբերի 13-ին ՀՀ կենտրոնական բանկի նախագահը, Հայաստանի բանկերի միության նախագահը, ՀՀ 14 առևտրային բանկերի գործադիր տնօրենները այցելեցին հայկական դրամի 30-ամյակի առթիվ 2023 թվականին հիմնված նորաստեղծ անտառներ։  Անտառապատման տարածքները, որ զբաղեցնում են 50 հա, հիմնվել են անցյալ տարի՝ 20 հա Ջրաշենում, և 30 հա՝ Ուրասարում։ Այս կարճ ժամանակահատվածում տնկիները, որոնք ներառում են բնիկ տեսակների տարբեր տեսականի, ինչպիսիք են կաղնին, թխկին, սոճին, հաճարենին, լորենին, վայրի տանձին և վայրի խնձորենին, արդեն արմատներ են գցել ու ամրացել։  Այցի նպատակն էր ստուգել ծառերի աճը տնկելուց մեկուկես տարի անց, և մեր հյուրերն ուրախ էին ականատես լինելու Ջրաշենում և Ուրասարում երիտասարդ ծառերի աճին ու հատկապես ոգևորված՝ գտնելով իրենց ձեռքով տնկված ծառերը։ Այցի ընթացքում ՀՀ կենտրոնական բանկի նախագահ Մարտին Գալստյանը կարևորեց անտառների ստեղծման գաղափարը։ Նա նաև ընդգծեց,որ դրամի 30-ամյակը նշելուց բացի այս նախաձեռնությունը հեռանկարային քայլ է շրջակա միջավայրի պահպանման ուղղությամբ՝ «կանաչ օրակարգը» առաջնահերթություն դարձնելով ոչ միայն Կենտրոնական բանկի, այլև ամբողջ բանկային սեկտորի համար։ Նա նշեց,որ այսօր բնության վրա կենտրոնանալը շատ կարևոր է ավելի լավ ապագա կառուցելու համար՝ ցույց տալով, թե ինչպես կարող են միահյուսվել տնտեսական և բնապահպանական նպատակները։ Հայաստանի բանկերի միության նախագահ Դանիել Ազատյանն ընդգծեց անտառվերականգնման այս ծրագրի կարևորությունը՝ սոցիալական պատասխանատվության ավելի լայն շրջանակում։ Նա նաև նշեց, որ Հայաստանի Հանրապետության բոլոր առևտրային բանկերը հավասարաչափ նպաստել են 160,000 ծառերի տնկման գործում։Իմ անտառ Հայաստանի հիմնադիր Անտրէ Գումուշճեանը շնորհակալություն հայտնեց բանկային սեկտորի կողմից շրջակա միջավայրի պահպանությանը նվիրվածության համար։ Նա ընդգծեց,որ սա ոչ միայն բնապահպանական, այլ նաև սոցիալ-տնտեսական ծրագիր է, քանի որ հեռավոր վայրերում աշխատատեղերի ապահովումը գյուղերում կյանքի նոր հնարավորություններ է բացում։ Նա նաև նշեց,որ մոտ տաս տարի հետո այս անտառները լիովին տեսանելի կլինեն և մի օր կդառնան Լոռվա բնապատկերի անբաժանելի մասը։ Նա նաև ևս մեկ անգամ շնորհակալություն հայտնեց ներկա բոլոր հյուրերին երկարաժամկետ տեսլականի համար։

02/07/2024

ԿԱՄԱՎՈՐԱԿԱՆ ՀՆԱՐԱՎՈՐՈՒԹՅՈՒՆՆԵՐ ԻՄ ԱՆՏԱՌ ՀԱՅԱՍՏԱՆՈՒՄՈւրախ ենք հայտարարել, որ բաց ենք ընդունել կամավորների, ովքեր կցանկանան օգնել մեզ։Կամավորները կարող են մեծապես աջակցել մեր կազմակերպությանը, քանի որ անտառվերականգնման աշխատանքները խիստ աշխատատար են, և որքան շատ մարդիկ ներգրավվեն, այնքան ավելի լավ արդյունքներ կլինեն։ Անտառների վերականգնումը ոչ միայն ծառեր տնկելն է, այլև դրանից հետո խնամելը։Տարբերակ 1․ Օգնել Վանաձորի մոտ գտնվող Պենժամին Գումուշճեան տնկարանում Հարմարություններ․ Պենժամին Գումուշճեան տնկարանը մեր գլխավոր տնկարանն է։ Գտնվելով Վանաձորից 10 կմ հեռավորության վրա՝ այն շատ հասանելի է։ Տնկարանը զբաղեցնում է մոտ 3․5 հա մակերես, որտեղ գտնվում է նաև 500 մ2 մակերեսով ժամանակակից ջերմոցը։ Տնկարանն այս պահին ունի 14 աշխատող։ Այն ունի ընդարձակ և հարմարավետ հարմարություններ․ աշխատողների տուն՝ փոքր խոհանոցով, սառնարանով և սպասքով, հանդերձարան, ընդհանուր  մեծ սենյակ, որտեղ աշխատողները ճաշում են, ծածկապատշգամբ և առանձին զուգարան՝ ջրի մաքրման համակարգով։ Կա նաև մեծ պահեստ, որտեղ գործիքներն են պահվում։ Առաջադրանքներ․ աշխատանքը կարող է բազմազան լինել։ Հիմնականում անհրաժեշտ է օգնել քաղհանին։ Քանի որ սերմերը ցանում ենք նոյեմբերին և ապրիլին, բույսերի միջև մոլախոտ է աճում, որը պետք է հեռացվի ձեռքով (թունաքիմիկատ չենք օգտագործում)։ Աշխատանքներ են տարվում նաև ջերմոցում` թաղարներում աճող երիտասարդ բույսերի տեսակավորման և պահպանման հետ կապված։ Կատարվում են նաև ընդհանուր աշխատանքներ՝ տնկարանի շրջակայքում և ներսում գտնվող քամապաշտպան ծառերի խնամքի և պահպանման համար։ Տարվա տարբեր ժամանակահատվածներում տարբեր աշխատանքներ են տարվում։ Ապրիլ և նոյեմբեր ամիսներին սերմեր ենք ցանում, կտրոններ պատրաստում, փորում և տնկիները փաթեթներով նախապատրաստում՝ անտառվերականգնման վայրեր տեղափոխելու համար։ Հոկտեմբեր ամսին սերմերն ենք հավաքում ու մաքրում, հուլիս-օգոստոս ամիսներին իրականացնում ենք ոռոգումը:Աշխ․ ժամեր․առավոտյան 9-ից 6-ը, ճաշի համար 1 ժամ ընդմիջումով; Կամավորները կարող են գալ կես օրով։Տրանսպորտ․  Վանաձորից եկող կամավորները կարող են գալ տնկարանի ղեկավար անձնակազմի մեքենաներից մեկով։Գիշերակաց․ գիշերակացի համար տնկարանից ոտքով հեռավորության վրա գտնվող գլեմփինգի հիանալի վայր կա Eco Valley։ Սեփականատերը սիրով առաջարկել է անվճար կացություն այն կամավորներին, ովքեր կաշխատեն տնկարանում։ Ժամանակահատված․ ամեն տարի ցանկացած ժամանակ՝ մարտի վերջից մինչև նոյեմբերի վերջ։ Նշումներ․կամավորները կարող են գրանցվել մենակ․ մեր աշխատողները, ինչպես ամենուր Հայաստանում, շատ ջերմ և հյուրընկալ են, և միանալով մեզ՝ դուք կզգաք ձեզ մի նոր ընտանիքի անդամ։ Պատասխանատու անձ․ Լևոն Մխիթարյան, տնկարանի պատասխանատու levon@myforestarmenia

21/06/2024

27,000 ԾԱՌԻ ԽՈՍՏՈՒՄ․ ՄԵՐ ԱՌԱՋԻՆ ՍԻԴՆԵՅ-ԳՈՒԳԱՐՔ ԴՐԱՄԱՀԱՎԱՔԸ ԳԵՐԱԶԱՆՑԵՑ ՍՊԱՍԵԼԻՔՆԵՐԸ Կիրակի օրը՝ հունիսի 16-ին, մենք իրականացրեցինք առաջին Սիդնեյ-Գուգարք զուգահեռ միջոցառումը, որի նպատակն էր աջակցել Հայաստանի անտառվերականգնմանը։ Դրամահավաքը, որը  տեղի ունեցավ Սիդնեյում գտնվող Լուլու բարում և Գուգարքի մեր տնկարանում, հյուրընկալեց երկու երկրներում գտնվող ավստրալահայերի կողմից, ովքեր թեպետ բաժանված օվկիանոսով, բայց միավորված են հանուն Հայաստանի անտառների ապագայի։ Երկու երկրներից ավելի քան 45 անհատներ և ընտանիքներ հանդես եկան ծառ տնկելու ֆինանսավորման պատրաստակամությամբ։ Աջակիցների կողմից ստացել ենք Սիդնեյում ավելի քան 15,500 ծառի, իսկ Հայաստանում ավելի քան 11,500 ծառի խոստում։ Ընդհանուր առմամբ դրամահավաքի մասնակիցները  այս նպատակի համար հանձն առան տնկելու ավելի քան 27,000 ծառ, ինչը կազմում է մոտ 52,000 ավստրալական դոլար կամ 35,000 ԱՄՆ դոլար։ Անվանական անտառի շեմը 20,000 ծառ է և հենց այդքան էր մեր օրվա նպատակը։ Շատ ոգևորված ենք այս նպատակը զգալի տարբերությամբ գերազանցելու համար։ Խոստացված ծառերը կտնկվեն այս աշնանը Լեռնաջուր անտառապատման տարածքում՝ ավստրալա-հայկական անտառում։Գերաշնորհ Տ․ Հայկազուն արքեպիսկոպոս Նաջարյանը ողջունեց հյուրերին Լուլու բարում, որին հաջորդեց երեկոն իր տարածքում մեծահոգաբար հյուրընկալող Կարո Սիմոնյանը։ Նրան հաջորդեց ավստրալացի հայտնի հեռուստահաղորդավար և բնապահպան, Rock Aid Armenia և One Tree Per Child նախաձեռնությունների հիմնադիր Ջոն Դին։ Ջոնն ու Գարրին այցելել էին մեր տնկարան և անտառապատման տարածքներ այս գարնանը, ինչը նրանց համար կատարյալ հնարավորություն էր ներկայացնելու սեփական աչքով տեսածը: Աjնուհետև մեր հիմնադիր Անտրէ Գումուշճեանը տեսակամուրջի միջոցով Ավստրալիայում և Հայաստանում գտնվողներին ներկայացրեց անտառների կարևորությունը մարդկության ապագայի, ինչպես նաև Հայաստանի համար։ Անտառվերականգնումը շատ երկար և դժվարին աշխատանք է, որը պահանջում է մեծ համբերություն։ Այսօր բացարձակ կարևորություն ունի անտառների պահպանությունը, եթե ցանկանում ենք, որ մեր մոլորակը բնակելի լինի ապագա սերունդների համար։Գուգարքում ներկա ավստրալահայերից մի քանիսը եկել էին իրենց երեխաների հետ, սա հիանալի հնարավորություն էր փոքրիկների համար սովորելու (իրենց ծնողների հետ միասին), թե ինչպես են սերմերից ծառեր աճեցնում։ Նրանք ինքնուրույն սերմեր ցանեցին և ջրեցին տնկարանի մեր ծառերից մի քանիսը։ Լեռնաջուրի ավստրալա-հայկական անտառը կզբաղեցնի 6 հեկտար ընդհանուր մակերես։ Այս նախաձեռնությունը նաև կստեղծի ավելի քան 20 աշխատատեղ մարզում՝հետագայում նպաստելով տեղական տնտեսությանը և համայնքներին։ Դեռ ուշ չէ միանալ նրանց համար, ովքեր ցանկանում են միասնական ուժերով մեծացնել անտառային ծածկույթը։ Ավելի մեծ անտառները ավելի մեծ դրական բնապահպանական ազդեցություն են ունենում։ Ձեր աջակցությունը զգալի փոփոխությունների կբերի։ Կատարեք հարկային արտոնությամբ նվիրատվություններ աշխարհի ցանկացած կետից՝ այցելելով մեր նվիրաբերել էջը և ընտրելով Ձեզ հարմար երկիրը։ Մեր սրտագին երախտագիտությունն ենք հայտնում Գարրի Սիմոնյանին այս յուրահատուկ միջոցառումը Լուլու բարում կազմակերպելու համար, ինչպես նաև Լալա Գարաբեդյանին և Ռուփինա Սիմոնյանին այս զուգահեռ միջոցառմանը իրենց տրամադրած ջանքերի համար։ Նրանք այս միջոցառման հաջողության բանալին էին։

10/06/2024

ԻՄ ԱՆՏԱՌ ՀԱՅԱՍՏԱՆԸ ՄԻԱՑԵԼ Է ԲՈԴՈՒԻՆ ԹԱԳԱՎՈՐԻ ԱՆՎԱՆ ՀԻՄՆԱԴՐԱՄԻՆՀոյակապ նորություն ունենք։ Իմ Անտառ Հայաստանը որպես գործընկեր կազմակերպություն միացել է հեղինակավոր Բոդուին թագավորի անվան հիմնադրամին։ Հիմնադրամը ստեղծվել է Բելգիայի թագավոր Բոդուինի կողմից 1976 թվականին՝ աջակցելու համար բազմաթիվ բարեգործական կազմակերպությունների՝ տարբեր ոլորտներում։ Տարիների ընթացքում տարբեր բարեգործական կազմակերպություններ միացել են՝ դառնալով գործընկերներ։ Ամենամեծ առավելությունն այն է, որ դոնորները կարող են ստանալ հարկային արտոնություններ իրենց նվիրատվությունների մասով։ Ավելին, Բոդուին թագավորի անվան հիմնադրամը բավականին դինամիկ է և համագործակցում է բազմաթիվ կազմակերպությունների հետ տարբեր երկրներից, ինչպես Ֆրանսիան, Նիդեռլանդները, Լյուքսեմբուրգը և Դանիան։ Եթե ցանկանում եք նվիրաբերել, այցելեք Բոդուին թագավորի անվան հիմնադրամի կայք և նվիրաբերեք օնլայն կամ կատարեք բանկային փոխանցում հետևյալ տվյալներով`Koning Boudewijn Stichting - Fondation Roi Baudouin

02/05/2024

ՄԵՐ ԵՐԿՐՈՐԴ ՋԵՐՄԱՏՈՒՆԸ ՊԱՇՏՈՆԱՊԵՍ ԲԱՑ ԷՄայիսի 2-ին, Լոռու մարզի Գուգարք բնակավայրում գտնվող մեր «Պենժամին Գումուշճեան» տնկարանում տեղի ունեցավ նոր՝ 500 մ2 ջերմատան և հակակարկտային ցանցի պաշտոնական բացումը։ Վերջիններս կառուցվել են ՀՀ-ում Ճապոնիայի դեսպանության աջակցությամբ՝ Մարդկային Անվտանգության “Grassroots” դրամաշնորհային ծրագրի (GGP) շրջանակներում։ Միջոցառմանը ներկա էին Հայաստանում Ճապոնիայի դեսպան պարոն ԱՈԿԻ Յուտական, Լոռու մարզպետի տեղակալ Գոռ Ասրյանը, Վանաձորի քաղաքապետարանի, Գուգարքի բնակավայրի և Շրջակա միջավայրի նախարարության ներկայացուցիչներ։  «Այս նախագիծը նշանակալի դեր ունի Լոռու մարզում բնական աղետների կանխարգելման գործում, ինչպիսիք են հեղեղները և սողանքները։ Ուրախ ենք աջակցել այս նախագծի իրականացմանը»,- իր խոսքում ասաց դեսպան Աոկին։Լոռու մարզպետի տեղակալ Գոռ Ասրյանն իր խոսքում նշեց

22/04/2024

ԳԱՐՆԱՆԱՅԻՆ ԾԱՌԱՏՈՒՆԿՆ ԱՎԱՐՏՎԱԾ Է․ ՏՆԿԵԼ ԵՆՔ 114,574 ԾԱՌՈւրախ ենք տեղեկացնել մեր գարնանային ծառատունկի արդյունքները․ 114,574 ծառ տնկվել է Ջրաշենի և Լեռնաջուրի մեր անտառապատման տարածքներում:Դրանից 102,842-ը տնկվել է Ջրաշեն I-ում, որտեղ 2021 թվականին իրաանացրել էինք մեր առաջին խոշոր անտառապատման աշխատանքները: Այս տարածքը ամենահարմարը չէ անտառապատման աշխատանքների համար և սածիլների մի մասը չի ընտելացել հողին։ Վերատնկման հիմնական նպատակն էր լրացնել և փոխարինել չկպած ծառերը

23/03/2024

ԱՆՏԱՌՆԵՐԻ ՀԱՄԱՇԽԱՐՀԱՅԻՆՕՐ․ՀԱՄԱԺՈՂՈՎ և ՑՈՒՑԱՀԱՆԴԵՍՄարտի 21-ին նշվում է անտառների համաշխարհային օրը։ Այն առիթ է՝ մտածելու մեր կյանքում և բիզնեսում անտառների կարևորագույն դերի մասին։ Այս առիթով՝ Երևանում մենք յուրահատուկ համաժողով և տպավորիչ բացօթյա ցուցահանդես կազմակերպեցինք։«Անտառների էկոհամակարգային ծառայությունները և դրանց ազդեցությունը բիզնեսի վրա» խորագրով համաժողովի մասնակիցներին հյուրընկալեց Երևանի Մարիոթ հյուրանոցը։ Միջոցառմանը ներկա էին մի շարք բանախոսներ, այդ թվում՝ մեր հիմնադիր Անդրե Գումուշճեանը, ով խոսեց բիզնեսի դերի մասին շրջակա միջավայրի համար, WWF Հայաստանի տնօրեն Կարեն Մանվելյանը, ով խոսեց ավելի շատ հողեր որպես վայրի արգելոցներ նշանակելու և պաշտպանելու կարևորության մասին և Մարկոս Լոպես Էրսիլան՝ Life Terra-ի (Իսպանիա) ծրագրերի ղեկավարը, ով խոսեց բնության և կենսաբազմազանության համար կատարվող ներդրումների դիմաց կրեդիտների ձեռքբերման հնարավորության մասին։ Նրանց ելույթներն ի ցույց դրեցին այն ծառայությունները, որ անտառները մատուցում են բիզնեսներին՝ առանձնացնելով անտառների պահպանման կարևորությունը բիզնեսի երկարաժամկետ աճի համար։ Ելույթներից հետո տեղի ունեցավ հետաքրքիր պանելային քննարկում, որը վարում էր մեր փոխտնօրեն Լիլիթ Մարտիրոսյանը: Պանելային քննարկմանը մասնակցում էին DataArt, Vega, IDBank և EasyPay ընկերությունների ներկայացուցիչները, ովքեր ներկայացրին անտառների պահպանությունը կորպորատիվ ռազմավարությունում ինտեգրելու իրենց փորձն ու հեռանկարները: Շնորհակալություն ենք հայտնում «Մարիոթ Արմենիա»-ին միջոցառումների սրահը տրամադրելու համար։Ժամը 15:00-ին տեղի ունեցավ «Մենք ենք մեր անտառները» բացօթյա ցուցահանդեսի բացումը։ Այն մեր, Էյ-Թի-Փի հիմնադրամի և WWF Հայաստանի նախաձեռնությունն է, որի համադրումն իրականացրել է ԱՀԱ Կոլեկտիվը։ Ցուցահանդեսին նաև աջակցել է Շվեյցարիայի զարգացման և համագործակցության գործակալությունը (SDC): Ցուցահանդեսը հարթակ ծառայեց անտառների պահպանման կարևորության մասին իրազեկվածության բարձրացման համար: Ի թիվս այլ պաշտոնատար անձանց՝ բացման արարողությանը ներկա էին ՀՀ Շրջակա միջավայրի նախարար Հակոբ Սիմիդյանը և ՀՀ Վարչապետի գլխավոր խորհրդական Համբարձում Մաթևոսյանը, ինչպես նաև միջազգային կազմակերպությունների և դեսպանատների ղեկավարներ։Ի սրտե շնորհակալությունն ենք հայտնում բոլոր մասնակիցներին, աջակիցներին և գործընկերներին, ովքեր միացան մեզ Անտառների միջազգային օրը նշելու համար: Միասին մենք վերահաստատում ենք մեր թանկարժեք անտառները պաշտպանելու մեր հանձնառությունը՝ ճանաչելով դրանք որպես ապագայի կառուցման համար էական գործոն:

17/11/2023

2023 ԹՎԱԿԱՆԻ ԱՇՆԱՆԸ ՏՆԿՎԵԼ Է 583,513 ԾԱՌ. ՌԵԿՈՐԴԱՅԻՆ ՁԵՌՔԲԵՐՈՒՄԵրբ վերջին աշնանային տերևն ավարտում է իր վայրէջքը, մենք հասնում ենք մեր անհավատալի ճամփորդության վերջին, որը սկսել էինք 2023 թվականի աշնանային անտառտնկման սեզոնի ժամանակ:Մեր թիմի առաքելությունն էր Հայաստանի սրտում գտնվող ամայի լեռները վերածել կենսաբազմազանության փարթամ գոտիների: Ուրախ ենք ձեզ հետ կիսվել այս աշնան տնկման սեզոնի հիանալի արդյունքներով:Հոկտեմբերի 13-ին աշխատանքը սկսվեց Լեռնաջուրում, որտեղ նախ տնկեցինք 81

03/11/2023

2023 ԹՎԱԿԱՆԻ ԱՇՆԱՆԱՅԻՆ ԱՆՏԱՌՏՆԿՈՒՄԸ ՍԿՍՎԵԼ ԷԼոռիում արդեն սկսվել է աշնանային անտառատնկումը․ մենք շարունակում ենք մեր ջանքերը մարդկանց գործունեության կամ բնական աղետների հետևանքով վնասված տարածքների վերականգնման ուղղությամբ: Այս տարի մենք շարունակում ենք տնկել Ուրասարում և սկսում ենք տնկել Լեռնաջուրում, որտեղ հարևան բնակավայրերից ավելի քան 240 աշխատողների օգնությամբ կտնկենք բազմատեսակ ծառեր և թփեր:Ինչպե՞ս է այն ընթանումՏնկման սեզոնը սկսեցինք հոկտեմբերի 13-ին փակ արմատներով տնկիներով, որոնք աճեցրել ենք Վանաձորում գտնվող “Գարի և Լինդա Ասսարյան” ջերմոցում: Այս սածիլները աճեցվում և տնկվում են հատուկ տարաներով, ինչը նշանակում է, որ դրանց արմատները չեն վնասվում տնկման ժամանակ: Այս մեթոդը պահանջում է ավելի շատ ռեսուրսներ, բայց նաև օգնում է բարձրացնել ծառերի կպչողականությունը:Փակ արմատային համակարգով տնկման մեծագույն առավելություններից է այն, որ կարող ենք սկսել ավելի վաղ տնկել՝ դրանով իսկ ավելացնելով մեր տնկման ծավալները:Ինչպե՞ս է առաջընթացըԼեռնաջուրում տնկում ենք կեչիներ, որոնք լավ են համապատասխանում տեղի կլիմայական և հողային պայմաններին։ Պատահական չէ, որ հարևան տարածքում կեչու անտառ կա։ Կեչիները կարող են աճել տարբեր տեսակի հողերում

03/11/2023

2023-Ի ՍԵՐՄԵՐԻ ՍԵԶՈՆՆ Է․ ՀԱՎԱՔՈՒՄ ԵՆՔ ԲՆՈՒԹՅԱՆ ՀԱՐՍՏՈՒԹՅՈՒՆԸԳիտեի՞ք, որ սեպտեմբերը Հայաստանի բնության համար կարևոր սեզոնի սկիզբն է: Սերմերի սեզոնն է: Սեպտեմբերին մեր թիմը ձեռնամուխ է լինում Հայաստանի անտառներից տարբեր ծառերի սերմերը հավաքելու գործին:Մեր աշխատողները քրտնաջան աշխատել են՝ անտառներից հավաքելով կաղնու, հաճարի, թխկի, կեչու, վայրի տանձի, խնձորենու սերմեր։ Երբ մեզ ավելի շատ սերմացու է անհրաժեշտ լինում, մենք դրանք գնում ենք գյուղացիներից:Բայց աշխատանքը դրանով չի ավարտվում: Սերմերը հավաքելուց հետո սկսում ենք սերմերի մշակման փուլը: Մեր թիմը մեծ խնամքով մաքրում է, չորացնում և տեսակավորում սերմերը, որպեսզի համոզվի, որ դրանք պատրաստ են ցանքսին մեր կազմակերպության երկու տնկարաններում և ջերմոցում:Մենք հպարտ ենք մեր աշխատանքով, քանի որ մեր հավաքած ու մշակած յուրաքանչյուր սերմ նոր կյանքի ու նոր անտառի սկիզբ է։ Մենք հավատում ենք, որ մեր աշխատանքը իրական փոփոխություն է բերում մոլորակի ու Հայաստանի համար: Մինչ հոգում ենք շրջակա միջա վայրի մասին՝ մեր աշխատանքի սոցիալական ազդեցությունը նույնքան կարևոր է, քանի որ յուրաքանչյուր փուլում ստեղծվում են աշխատանքի հնարավորություններ՝ հատկապես գյուղական համայնքներում։ Մենք շարունակելու ենք շրջակա միջավայրի պաշտպանությանն ուղղված մեր ջանքերը՝ տնկելով ավելի շատ անտառներ և պահպանելով առկա անտառները:Շնորհակալ ենք մեր աշխատանքի նկատմամբ ձեր հետաքրքրության համար: Միասին մենք կարող ենք աշխարհը դարձնել ավելի լավ վայր գալիք սերունդների համար։

05/09/2023

ՄՈՒԼՉԱՊԱՏՈՒՄ 2023Այս տարի եղանակը մեր հանդեպ բավականին բարեհաճ էր։ Ոչ այն իմաստով, ինչպես շատերը կմտածեն ;-): Ամբողջ հունիս ամսվա ընթացքում առատ տեղումներ եղան։ Լայնածավալ անտառվերականգնման համար սա ամենակարևոր գործոնն է: Բայց մենք ստիպված եղանք հետաձգել  խնամքի այն աշխատանքները, որ սովորաբար անում ենք գարնանային անտառապատումից հետո։ Բարենպաստ եղանակը հետաձգեց մուլչապատումըՍովորաբար առատ տեղումները լինում են ապրիլին և մայիսին, որից հետո սկսում ենք մուլչապատել նորատունկ ծառերը։ Հունիսը վճռորոշ ամիս է, քանի որ սա տնկելուց հետո երրորդ ամիսն է, որի ընթացքում երիտասարդ տնկիներն սկսում են պայքարել իրենց արմատներն ավելի խորը հողի մեջ աճեցնելու համար, որպեսզի հասնեն ավելի խոնավ շերտերի մինչև հուլիսի և օգոստոսի սաստիկ շոգերը:Այնպես ստացվեց, որ այս տարի ոչ միայն հունիսն էր շատ խոնավ ամիս, այլև անձրևները շարունակվեցին մինչև հուլիսի կեսերը: Սա անշուշտ հիանալի էր մեր երիտասարդ տնկիների համար, միևնույն ժամանակ մուլչապատման աշխատանքները հետաձգվեցին, քանի որ անհրաժեշտ էր չոր եղանակ, որպեսզի աշխատողները կարողանային սարն ի վեր բարձրացնել ծղոտի պարկերը և կատարել մուլչապատումը: Հունիսին Ջրաշեն 2 անտառապատման տարածքում կարողացանք մուլչապատել 223․000 տնկի։Քաղհան անտառապատման տարածքներումԱյս տարի մենք խնամքի ավելի շատ աշխատանք իրականացրեցինք՝ ձեռքով հեռացնելով տնկիներից բարձր աճող խոտերը, որոնք առատորեն աճել էին նոր տնկած ծառերի շուրջը: Նախընտրեցինք ձեռքով քաղհան անել, քանի որ սարքավորումներն անխուսափելիորեն կվնասեին ծառերը: Փորձը ցույց է տալիս, որ այս պարագայում տեխնիկան օգտագործման ընթացքում վնասում է ծառերի մինչև 30%-ը։Մենք հեռացրեցինք բարձր խոտերը նաև Ջրաշեն 1-ի հյուսիսային լանջերին: Այդպիսով այստեղ մոտ 15․000 ծառ մաքրվեց: Այս խնամքն անհրաժեշտ է երիտասարդ ծառերին օգնելու համար, քանի որ վայրի խոտերի արմատներն ակտիվորեն պայքարում են երիտասարդ ծառերի արմատների հետ հողից ստացվող սննդանյութի համար: Քաղհանը դադարեցնում կամ դանդաղեցնում է խոտերի ֆոտոսինթեզը և դրանով իսկ դանդաղեցնում նրանց արմատների գործունեությունը:Մի տնկեք պարզապես ծառեր, այլ անտառ ստեղծեքԽնամքի այս աշխատանքները շատ կարևոր են և վկայում են անտառներ ստեղծելու, ոչ թե պարզապես ծառ տնկելու մեր վճռականությունը: Հուսով ենք, որ արդյունքները սպասվածի պես կլինեն։ Այնուամենայնիվ, անտառվերանգնման մեր տարածքները հսկայական են, և մենք աշխատում ենք օրնիբուն էական արդյունքների հասնելու համար: Սակայն, միշտ պետք է հիշենք, որ այս աշխատանքը լիովին կախված է բնությունից: Ի վերջո, բնությունը կորոշի մեր հաջողակ լինելը:

28/08/2023

ԱՆՏԱՌԱՊԱՏՄԱՆ ՆՈՐ ՄԵԹՈԴՆԵՐ ԿԻՍԱՉՈՐԱՅԻՆ ՏԱՐԱԾՔՆԵՐՈՒՄՇիրակամուտը մեր  առաջին անտառապատման տարածքն է։ , որտեղ սկսեցինք տնկել 2020 թվականի աշնանը։ Այստեղ հիմնականում տնկել ենք կաղնի, սոճի, վայրի տանձ, թխկի և թփեր։ Անտառապատման համար նախատեսված ամբողջ տարածքը 86 հա է, որը պատրաստվում էինք տնկել մինչև 2022 թվականը։ Սակայն, տնկեցինք միայն 30հա, որից 10հա՝ հարավահայաց լանջերին։Առաջին դժվարությունները2021 թվականի հունիսի սաստիկ երաշտից հետո, երբ ջերմաստիճանը 2000մ բարձրության վրա 27° էր հասնում, կորցրեցինք Շիրակամուտում տնկած մատղաշ տնկիներից շատերը։ Անմիջապես միջոցներ ձեռնարկեցինք՝  տեղադրելով երկու հզոր պոմպ և 3000մ կոշտ ու 8 ճկուն խողովակներ։ Ընդունեցինք ութ աշխատակից, որպեսզի մոտակա ջրատարից ջրեն տնկիները։ Ավելին, հենց հաջորդ սեզոնին չորացած տնկիները փոխարինեցինք սոճիներով։ Դրանք կրկնակի առավելություն ունեն․ դիմանում են չորությանը և արագ են աճում՝ ստվերելով տերևավոր ծառատեսակները։Այս տարածքն անտառապատման համար կատարյալ չէ, քանի որ մեծամասամբ հարավահայաց է և շատ չորային։ Թեև 20հա տնկած ծառերը հիմնականում լավ վիճակում են, հարավահայաց 10հա տարածքի ծառերը ծանր պայքար են մղում։ 2022-ին նորից փորձեցինք ջրել մատղաշ ծառերը ճկուն խողովակներով։ Այնուամենայնիվ, արդյունքները գոհացուցիչ չէին, քանի որ նման դժվար պայմաններում ծառերն ամենօրյա ոռոգման կարիք ունեին։Նոր մեթոդների փորձարկում2023-ի գարնանային անտառտնկման ընթացքում վերատնկեցինք 1000 տնկի Շիրակամուտի անտառապատման տարածքի հարավային լանջերին։ Այս տարի փորձարկում ենք մի քանի նոր մեթոդ։ Դրանցից հիմնականը կաթիլային ոռոգման համակարգի անցկացնումն է 2 հա տարածքում։ Միևնույն ժամանակ փորձարկում ենք ևս երեք տարբերակ․ գոմաղբ ավելացնեը, ստվերացումը և այս երկուսի միաժամանակ կիրառումը։ Այսպիսով ունենում ենք չորս փորձադաշտ այս մեթոդների տարբեր համադրությամբ։Մեր նպատակն է պարզել, թե որ գործոնն է ավելի շատ նպաստում ծառերի գոյատևմանը։ Պարտադիր մշտադիտարկում ենք անցկացնելու այս տարածքներում և Ձեզ ներկայացնելու ենք արդյունքները։ Ինչպես անտառապատման հետ կապված ամեն ինչ, այս արդյունքներն էլ կերևան երկուսից երեք տարի հետո։Մենք վճռական ենք տրամադրված այս տարածքում լուծումներ գտնելուն, հատկապես այն պատճառով, որ Շիրակամուտի բնակիչները շատ ոգևորված են ու երազում են իրենց գյուղի մոտ անտառ ունենալ։ Նրանցից շատերը մասնակցում են մեր անտառտնկման աշխատանքներին նաև այլ տարածքներում։ Եթե հաջողենք, կկարողանանք անտառապատել կիսաչորային տարածքները, որոնք պակաս նպաստավոր են անտառ տնկելու համար և սկսում են գերակշռել Հայաստանում։ Մեզ հաջողություն մաղթեք։ Այնուամենայնիվ, սա ակնհայտորեն ավելի ծախսատար է։ Եթե ցանկանում եք օգնել, որ Շիրակամուտի բնակիչներն անտառ ունենան,  անպայման հանգանակություն կատարեք։  Նրանք շատ շնորհակալ կլինեն։

17/06/2023

Երկու ռոտացիա Դոկտոր Գարի և Լինդա Ասարեան ջերմատանըՄեր ջերմատանն աշխատանքները սովորաբար սկսում ենք փետրվարին։ Արդեն մարտի սկզբին աշխատակիցները պատրաստում են տորֆը, ավազը և մնացած նյութերը, լցնում թաղարներն ու ցանում սերմերը։ Այս տարի մենք միայն կեչու սերմեր ենք ցանել՝ հաշվի առնելով այս աշնան համար նախատեսված անտառապատման տարածքների պահանջները։Կեչու սերմերի առանձնահատկություններըԿեչու սերմերը հետաքրքիր առանձնահատկություն ունեն։ Դրանք փոշեհատիկի չափ են՝ մոտ 0,1 գրամ, և յուրաքանչյուր հատիկն ապագա կեչի է։ Ցանելիս մեր աշխատակիցները մի պտղունց սերմ են լցնում մի քանի թաղարների մեջ։ Երբ սերմերը ծլում են, ամեն թաղարում մի «փունջ» ծառ ենք ունենում։ Այնուհետև մեր աշխատակիցներն զգուշությամբ հանում են մատղաշ տնկիներն ու տեղավորում առանձին թաղարներում։  Կրկնապատկում ենք կարողություններըՄեր ջերմատունը 72,000 թաղար տեղավորելու կարողություն ունի։ Դոկտոր Գարի Ասարեանը, ով մեծահոգաբար հովանավորել էր ջերմատան հիմնումը 2021 թվականին, ևս մի կարևոր հանգանակություն արեց այս տարի։ Նրա ներդրման շնորհիվ կարողացանք ձեռք բերել 72,000 թաղարների և 1,500 արկղերի երկրորդ խմբաքանակը։ Սա մեզ թույլ է տալիս ջերմոցում ցանքսն իրականացնել երկու հերթագայությամբ։Արդեն մայիսի վերջին ջերմոցի տաք ու խոնավ միջավայրում կեչու տնկիների առաջին խմբաքանակը պատրաստ էր։ Հունիսի սկզբին այդ տնկիները տեղափոխեցինք Գուգարքի Բենջամին Գումուշճեան տնկարան, որտեղ դրանք շարունակելու են աճել բացօթյա միջավայրում։ Երկրորդ ցանքսն արեցինք անմիջապես դրանից հետո։ Այդ խմբաքանակը կծլի արդեն հունիսի վերջին։ Եթե ամեն ինչ լավ ընթան, աշնանային անտառտնկման համար 144․000 կեչու տնկի կունենանք։Միացեք մեր ընթացքինԴոկտոր Գարի և Լինդա Ասսարեանների ջերմատնում աճեցրած առաջին կեչիները կտնկենք արդեն 2023թ․ հոկտեմբերին։ Ուրախ ենք, որ Դոկտոր Ասարեանն օգնեց մեծացնել մեր ջերմատան առկա արտադրական կարողությունը։ Դուք կարող եք օգնել մեզ տնկել թաղարներում աճեցրած տնկիները։ Միացեք անտառտնկման սեզոնին՝ կատարելով նվիրատվություն։ ։ Դա կլինի Ձեր երկարատև ներդրումն ապագա սերունդների համար։

01/06/2023

ՏՆԿԵՔ ԱՆՏԱՌ ՀԱՆՈՒՆ ՄԱՆՈՒԿՆԵՐԻՄեր երեխաների առաջին հանդիպումն անտառի հետ տեղի է ունենում հեքիաթների կախարդական աշխարհում։ Նրանց աչուկները փայլում են՝ լսելով անտառի բնակիչների մասին։ Նրանք երազում են հայտնվել այդ զարմանահրաշ աշխարհում, և չեն էլ կարող պատկերացնել, որ այսօր անտառները մեծ վտանգի տակ են։ Ուրախալի է, որ ծնողներն արդեն այսօր գիտակցում են այդ վտանգն ու հոգում իրենց երեխաների կայուն ապագայի համար։Երեխաների պաշտպանության օրվան ընդառաջ՝ իրենց երեխաների անունով ամեն ամիս ծառ նվիրաբերող ծնողներին ու իրենց փոքրիկներին հրավիրել էինք Ջրաշենի անտառապատման տարածք։ Այստեղ մի գեղեցիկ շրջանակ ենք տեղադրել «Մեծանում ենք միասին» խորագրով, որպեսզի երեխաներն ամեն տարի լուսանկարվեն նորատունկ ծառերի ֆոնին ու մեծանան իրենց անտառի հետ։«Մեր առաջնեկը ծնվեց Covid-19-ի ժամանակ, երբ առավել զգացվում էր աշխարհին սպառնացող վտանգների սաստկությունը նաև էկոլոգիական իմաստով։ Հենց այդ ժամանակ «Իմ անտառ Հայաստանը» սկսեց առաջարկել ամեն ամիս ծառ նվիրելու հնարավորությունը, և իմ ու ամուսնուս մոտ միաժամանակ ծնվեց մեր որդու համար ամեն ամիս ծառ տնկելու միտքը,» — պատմում է մեր ամսական նվիրատուներից Անին։ «Շատ ենք ոգևորվում՝ հաշվելով, թե քանի ծառ տնկած կլինի Անդրանիկը Հայաստանի անտառներում, երբ չափահաս դառնա։ Մեր տնկածն իհարկե չի հասնի հեկտարի, բայց եթե էլի ծնողներ միանան, մեր երեխաները հեկտարներով անտառներ կունենան 20-25 տարի հետո։»- ասում է Անին։Ջրաշենում տնկած ծառերը դեռ այնքան փոքր են, որ հազիվ են երևում խոտերի արանքից։ Երեխաների մեծանալուն համընթաց այս տնկիները նույնպես կմեծանան ու անտառ կդառնան՝ ներառելով կենսաբազմազանության այն բոլոր «հրաշքները», որոնց մասին իրենց պատմել ենք հեքիաթներում։Երեխաների պաշտպանությունն սկսվում է այն միջավայրից, որտեղ նրանք ծնվում ու հասակ են առնում։ Շրջակա միջավայրի խնդիրներն անմիջականորեն անդրադառնում են մեր երեխաների առողջության ու կյանքի որակի վրա։ Հոգալով շրջակա միջավայրի համար՝ հոգում ենք մեր երեխաների համար։ Իհարկե, իրենց երեխաների անունով առաջին ծառեր տնկողները մեր աշխատակիցներն էին։ Այսօր մեզ ուրախացնում է այն, որ «Իմ անտառ Հայաստան»-ի ամսական նվիրատուներին միանում են բազմաթիվ ծնողներ, ում մենք նաև տրամադրում ենք տնկված ծառերի մասին հավաստագիր։ Դուք էլ կարող եք միանալ նրանց՝ նվիրատվություն կատարելով ամեն ամիս տնկել ծառեր ձեր երեխաների անունով։

17/05/2023

326.000 ԾԱՌ ԱՅՍ ԳԱՐՆԱՆԸՀիմա, երբ ավարտել ենք այս գարնան անտառտնկման աշխատանքները, հպարտ ենք նշել, որ գարնանը տնկել ենք 326

02/05/2023

50 ՀԱ ՆՈՐ ԱՆՏԱՌ ՀՀ ԴՐԱՄԻ 30-ԱՄՅԱԿԻ ԱՌԹԻՎՀՀ Կենտրոնական բանկը, Հայաստանի բանկերի միությունը և բոլոր 18 առևտրային բանկերը «Իմ անտառ Հայաստանի» հետ համագործակցությամբ Հայկական դրամի 30-ամյակի առթիվ հիմնում  են 50 հա նոր անտառ Լոռու մարզի Ջրաշեն և Ուրասար համայնքներում՝ տնկելով 160․000 ծառ (կաղնի, թխկի, հաճարենի, լորենի, վայրի տանձ, վայրի խնձոր, ընկուզենի, բոխի և այլ ծառատեսակներ)։ Այսպիսով, ստեղծվող անտառը, որպես մնայուն, ապագային ու կյանքին ուղղված արժեք, խորհրդանշելու է ազգային արժույթի հարատևությունը։Ֆինանսաբանկային համակարգն ստեղծում է մնայուն արժեքներ 2022 թվականի վերջին «ԱրմՍվիսԲանկի» տնօրինության նախագահ և գործադիր տնօրեն Գևորգ Մաչանյանն առաջարկեց այս գաղափարն իր բոլոր գործընկերներին, ովքեր էլ միաձայն ընդունեցին այն։ Նոր ստեղծվող անտառի 20 հեկտարը լինելու է Ջրաշեն 2-ում, ևս 30 հեկտարը՝ Ուրասարում։ Համայնքային հողի օգտագործման ժամկետի ավարտին հողերը և դրա վրա ձևավորված անտառային էկոհամակարգը կվերադարձվեն համայնքին: Հայաստանը սակավանտառ երկիր է, և անտառածածկույթի ներկա տոկոսը բավարար չէ երկրի բնական էկոլոգիական հավասարակշռությունը պահպանելու համար։ Այս միջոցառումը ֆինանսաբանկային համակարգի կողմից մնայուն արժեքներ ստեղծելու, սոցիալական պատասխանատվության և բնության պահպանման բացառիկ դերի գնահատման լավագույն օրինակներից է:Ապրիլի 29-ին անտառհիմնման աշխատանքներին Կենտրոնական բանկի նախագահ Մարտին Գալստյանի գլխավորությամբ իրենց անհատական մասնակցությունն ունեցան նաև Հայաստանի բանկերի միության խորհրդի նախագահ Մհեր Անանյանը, գործադիր տնօրեն Սեյրան Սարգսյանը, առևտրային բանկերի ղեկավարներն ու աշխատակիցները, Լոռու մարզպետ Արամ Խաչատրյանը, «Իմ անտառ Հայաստան» բնապահպանական կազմակերպության հիմնադիր տնօրեն Անտրէ Գումուշճեանը և այլ հյուրեր։ Ջրաշեն համայնքում գտնվող «Իմ անտառ Հայաստան» բնապահպանական կազմակերպության անտառտնկման տարածքում՝ Ջրաշեն 2-ում, բոլոր հյուրերի մասնակցությամբ տեղի ունեցավ խորհրդանշական ծառատունկ, և տնկվեցին հայկական տեղական անտառային ծառատեսակներ։ Ստորագրվեց համագործակցության հուշագիրԾառատունկից հետո հյուրերն այցելեցին նաև «Իմ անտառ Հայաստան»-ի Գուգարքի «Պենժամին Գումուշճեան» տնկարան, որտեղ կարճ շրջայց կատարելուց հետո Կենտրոնական բանկի նախագահ Մարտին Գալստյանը, ՀԲՄ խորհրդի նախագահ Մհեր Անանյանը և «Իմ անտառ Հայաստան»-ի հիմնադիր տնօրեն Անտրէ Գումուշճեանը ստորագրեցին համագործակցության հուշագիր։«Այս միջոցառմամբ մենք սկսում ենք Հայկական դրամի 30-ամյակին նվիրված միջոցառումների շարքը, որոնք տեղի կունենան 2023 թվականի ընթացքում։ Շատ խորհրդանշական է, որ առաջին միջոցառումը հենց ծառատունկի միջոցառում է։ Կենտրոնական բանկը շատ կարևորում է մեր երկրի բնապահպանական խնդիրներին աջակցությունը, և սոցիալական պատասխանատվության շրջանակներում մենք, առևտրային բանկերի և «Իմ անտառ Հայաստանի» ծրագրի հետ միասին, ուրախ ենք, որ կարող ենք մեր նպաստումը ունենալ շրջակա միջավայրի բարելավմանը։ Միևնույն ժամանակ, մենք հավատարիմ ենք «կանաչ» օրակարգին, և հնարավորինս ներդրում ենք այն նաև մեր առօրյա գործունեության և նույնիսկ ֆինանսական կարգավորման մեր մոտեցումներում»,- ասաց Մարտին Գալստյանը։«Շրջակա միջավայրին ուղղված ծրագրերը ոչ պակաս կարևոր են մեզ համար։ Տարիներ շարունակ՝ առավելապես վերջին 50 տարվա ընթացքում, մարդն անընդհատ վնաս է հասցրել բնությանը։ Ժամանակն է գիտակցել, որ բնության մաս ենք կազմում և պահպանելով բնությունը՝ պահպանում ենք ինքներս մեզ։ Ուստի, 50 հեկտար մակերեսով անտառհիմնման նախաձեռնության կողքին կանգնելը բնության պահպանմանն ուղղված մեր համեստ ջանքերն են», — նշել է Հայաստանի բանկերի միության Խորհրդի նախագահ Մհեր Անանյանը:«Դրամի ներդրման 30-ամյակին նվիրված միջոցառումների շարքում նոր անտառի հիմնումն ու ծառատունկը թերևս կլինի ամենահիշարժան նախաձեռնություններից մեկը, որն այսօր միավորել է ԿԲ և բոլոր առևտրային բանկերին: Բնապահպանական կարևորություն ունեցող այս նախաձեռնությանը մեր մասնակցությունն աջակցություն է՝ միտված մնայուն արժեքի և կայուն ապագայի ստեղծմանը: Այսօր տնկվող յուրաքանչյուր ծառ մեր հոգատարության դրսևորումն է շրջակա միջավայրի պահպանման հանդեպ և ապագային միտված սոցիալական պատասխանատվության երկարաժամկետ ներդրում։ Ֆինանսավորելով ապագան՝ մենք այսօր արդեն փորձ ենք անում ապահովել մեր ներկա և ապագա սերունդների կանաչ ապագան»,- ասաց Հայաստանի բանկերի միության գործադիր տնօրեն Սեյրան Սարգսյանը։«Մեզ համար մեծ նշանակություն ունի այս համագործակցությունը, քանի որ ավելի ու ավելի շատ մարդիկ են սկսում գիտակցել անտառների կենսական կարևորությունը մեր երկրի և մարդկանց համար․ չէ՞ որ մենք բոլորս կարիք ունենք թթվածնի ու խմելու ջրի, իսկ անտառներն անում են շատ ավելին, քան պարզապես մթնոլորտը մաքրելն ու ջրի պաշարները պահպանելն է, դրանք դիմակայում են մեր երկրի անապատացմանը, պայքարում են հողի էրոզիայի դեմ, դառնում են կենսաբազմազանության պահպանության անփոխարինելի գործոններ, նվազեցնում են ջերմաստիճանն ու օգնում կլիմայի փոփոխության դեմ պայքարում»,- ասաց Անտրէ Գումուշճեանը։

20/04/2023

ԱՄՓՈՓԵՑԻՆՔ 2022-Ի ԱՐԴՅՈՒՆՔՆԵՐԸԱպրիլի 5-ին Հոլիդեյ Ինն Երեւանում տեղի ունեցավ «Իմ անտառ Հայաստան» բնապահպանական կազմակերպության 2022 թվականի տարեկան հաշվետվության ներկայացման միջոցառումը։  Հրավիրված էին պետական կառավարման համակարգի, հասարակական ու մասնավոր ոլորտի մեր գործընկերները և դոնորները։2022 թվականը մեզ համար արդյունավետ, նաև փոփոխություններով լի տարի էր: Բացման խոսքով հանդես եկավ «Իմ անտառ Հայաստանի» հիմնադիր տնօրեն Անտրէ Գումուշճեանը։ Նա ներկայացրեց կազմակերպության հիմնական ձեռքբերումները թվային արտահայտությամբ, նաև խոսեց անտառապատման ոլորտի հիմնական խնդիրների մասին։ “Շուրջ 202 հա անտառտնկման տարածքում 658․000 ծառ ենք տնկել՝ կրկնակի ավել, քան նախորդ տարում”, — նշեց Անտրէն։Այնուհետև, փոխտնօրեն Լիլիթ Մարտիրոսյանն ավելի մանրամասն ներկայացրեց նախորդ տարվա արդյունքներն ու ձեռքբերումները։ Նա հատկապես կարևորեց, որ 2022 թ․-ին միայն ծառերի թիվը չէ, որ աճել է։ «Մեծացել է նաև մեր թիմը․ այժմ մեր մշտական աշխատողները 49-ն են, իսկ անտառտնկման աշխատողների թիվը հասել է 200 հոգու։ Ուրախությամբ ենք նշում, որ անցած տարվա մեր ծախսերի 21%-ը՝ մոտ 55 միլիոն դրամ, մենք որպես հարկ վճարել ենք Հայաստանի Հանրապետությանը»,- ասաց Լիլիթ Մարտիրոսյանը։Միջոցառման ավարտին հյուրերը դիտեցին «Մարդիկ, ովքեր անտառ են տնկում» կարճ ֆիլմն այն մարդկանց մասին, ովքեր աշխատում են մեր անտառապատման տարածքներում և իրականություն են դարձնում մեր առաքելությունը։Մեր հաջողությունները ջերմորեն ողջունեցին Հայաստանի անտառային դաշինքի մեր գործընկերները՝ Շեն Հասարակական կազմակերպությունը և «Էյ Թի Փի» հիմնադրամը։ «Շնորհավորում եմ «Իմ անտառ Հայաստանին» ձեռքբերումների համար և ցանկանում եմ ընդգծել այս ոլորտում նրանց մասնագիտական և որակյալ աշխատանքի կարևորությունը»,- իր ելույթում ասաց «Էյ Թի Փի» հիմնադրամի համակարգող Ռուզաննա Առուստամյանը:2022 թվականի մեր ձեռքբերումներն այսքան փայլուն չէին լինի առանց այն բարերարների, ովքեր հավատացել են մեր առաքելության կարևորությանը, ինչպես նաև գնահատել մեր աշխատանքի որակը, և միացել են մեզ։ «Մենք կարևորում ենք «Իմ անտառ Հայաստան»-ի գործունեությունը, ինչը հնարավորություն է տալիս Սինոփսիս Հայաստանի կորպորատիվ սոցիալական պատասխանատվության մի կարևոր մասը՝ անտառվերականգնումը, իրականություն դարձնել։ Հուսով եմ՝ մեր օրինակը վարակիչ կլինի այլ ընկերությունների համար»,- իր շնորհակալական ելույթում նշեց մեր գործընկեր Սինոպսիս Արմենիայի PR-ի և հաղորդակցության բաժնի ղեկավար՝ տիկին Գայանե Մարկոսյանը։

15/12/2022

ՆՈՐ ԱՆՏԱՌԱՅԻՆ ՋԵՐՄՈՑ ԳՈՒԳԱՐՔՈՒՄԴեկտեմբերի 15-ին Շրջակա միջավայրի նախարարությունում ստորագրեցինք դրամաշնորհի հատկացման պայմանագիր Հայաստանում Ճապոնիայի դեսպանատան հետ։  հետ։ Պայմանագրի ստորագրման արարողությանը ներկա էին ՀՀ Շրջակա միջավայրի նախարարի տեղակալ Գայանե Գաբրիելյանը, Հայաստանում Ճապոնիայի արտակարգ և լիազոր դեսպան Մասանորի Ֆուկուշիման, «Իմ անտառ Հայաստան» բնապահպանական հասարակական կազմակերպության հիմնադիր և գլխավոր տնօրեն Անտրէ Գումուշճեանը, Հայաստանի անտառային կոմիտեի նախագահ Վլադիմիր Կիրակոսյանը։Այս տարվա սկզբին Հայաստանում Ճապոնիայի դեսպանությունը հայտարարել էր Մարդկային Անվտանգության “Grassroots” դրամաշնորհային ծրագիր (GGP) մինչև 10

08/12/2022

ՀԱՅԱՍՏԱՆԻ ԱՆՏԱՌԱՅԻՆ ԴԱՇԻՆՔԻ ԱՌԱՋԻՆ ԿԼՈՐ ՍԵՂԱՆԸԴեկտեմբերի 6-ին տեղի ունեցավ Հայաստանի անտառային դաշինքի կազմակերպած առաջին կլոր սեղանը, որի թեման նոր անտառտնկման տարածքների քարտեզագրումն էր: Քննարկման շուրջ հավաքվել էին անտառային ոլորտում ներգրավված տարբեր դերակատարներ՝ ոլորտային նախարարությունների, հասարակական կազմակերպությունների, գիտական հաստատությունների, միջազգային կազմակերպությունների ներկայացուցիչներ։ Կլոր սեղան-քննարկման համակարգող Հայաստանի ամերիկյան համալսարանի (ՀԱՀ) Յակոբեան բնապահպանական կենտրոնի  տնօրեն Ալեն Ամիրխանյանը, ողջունելով մասնակիցներին, նշել է Հայաստանի անտառային դաշինքի չորս առաջնահերթությունները, որոնք են․անտառապատման համար հողատարածքների հատկացում,բնական անտառների պահպանություն ու վերականգնում,խորհրդային տարիներին տնկված անտառների պահպանություն,վայրի տարածքների հրդեհներ։Քննարկման ընթացքում ներկաներն ընդգծել են, որ անտառների վերականգնումը պետության համար ռազմավարական նշանակություն ունի։ ՀՀ Էկոնոմիկայի նախարար Վահան Քերոբյանն իր պատրաստակամությունն է հայտնել աջակցելու Հայաստանում անտառատնկման տարածքների քարտեզագրման, արոտավայրերի համար պիտանի տարածքների ընտրման աշխատանքներին։Անտառային կոմիտեի նախագահ Վլադիմիր Կիրակոսյանն իր ելույթում նշել է, որ համադրելով առկա տեղեկատվությունը և միավորելով ջանքերը՝ հնարավոր կլինի ոլորտում իրական բարեփոխումներ ունենալ։«Անտառտնկման համար պոտենցիալ տարածքների նախանշմանը պետք է հաջորդի այդ վայրերում մասնագիտական խմբի կողմից ինչպես դաշտային, այնպես էլ մի շարք այլ ուսումնասիրությունների իրականացումը։»,- ասել է Կիրակոսյանը։Կլոր սեղան-քննարկման ընթացքում մասնակիցները համաձայնել են դիմել կառավարությանը՝ ստեղծելու աշխատանքային խումբ անտառապատման համար նախատեսված նոր տարածքների հայտնաբերման և քարտեզագրման նպատակով: Առաջարկվել է, որ կառավարության կողմից դրական արձագանքի դեպքում խմբում ներգրավվեն տարբեր գերատեսչությունների, հասարակական ոլորտի ներկայացուցիչներ, անտառագետներ, փորձագետներ և այլ մասնագետներ։