
Տնկարանը գտնվում է Վանաձորից 10 կմ հեռավորության վրա, և այստեղ կամավորների համար տարվա տարբեր ժամանակահատվածներում տարբեր աշխատանքներ կան։ Ապրիլին և նոյեմբերին՝ սերմեր ենք ցանում, կտրոններ պատրաստում, փորում և տնկիները փաթեթներով նախապատրաստում՝ անտառվերականգնման վայրեր տեղափոխելու համար։ Հոկտեմբեր ամսին սերմերն ենք հավաքում ու մաքրում, մայիս-օգոստոս ամիսներին իրականացնում ենք քաղհանը և ոռոգումը: Եթե ուզում եք հողի հետ գործ անել, մենք տարբերակներ ունենք մարտի վերջից մինչև նոյեմբեր։
Մենք տնկում ենք լեռնային վայրերում, որտեղից սովորաբար հիասքանչ տեսարան է բացվում։ Աշխատանքը հիմնականում բաղկացած է ձեռքով կամ փոքրիկ թորխով երիտասարդ բույսերի շուրջ խոտը հեռացնելուց։ Պետք է զգույշ լինել՝ բույսը չվնասելու համար և ընդհանուր առմամբ ուշադիր լինել բույսի աճի և շրջակա միջավայրի նկատմամբ։ Քանի որ գտնվելու եք հիասքանչ բնության մեջ, վստահաբար կուզենաք նաև քայլարշավ անել։

-2xzV2Wa4swLIUayZV9iOJkSaXUj7Ew.jpg&w=3840&q=75)
Դուք կարող եք միանալ մեր «Անտառի պահապանները» կամավորների խմբին։ Այսպիսով կարող եք օգնել մեզ ծառատունկի կամ սերմահավաքի ժամանակ՝ համակարգելով խմբերը․ սովորաբար այսպիսի աշխատանքը տևում է ամբողջական օր՝ հագեցնելով Ձեզ էմոցիաներով և ֆիզիկական ակտիվությամբ։ Խմբերը Երևանից մեկնում են վաղ առավոտից՝ ներառելով քայլարշավ դեպի լեռ՝ լանջերին տնկելու կամ բնական անտառներից սերմերը հավաքելու և երեկոյան վերադառնալու համար։ Դուք կարող եք կրկնակի դեր ստանձնել՝ աջակցելով մեր համակարգող թիմին սահուն աշխատանքի համար և իհարկե սեփական ձեռքերով ծառ տնկել։ Մեր կամավորները նաև աջակցում ենք կոնֆերանսների, ցուցահանդեսների, համերգների և այլ միջոցառումների կազմակերպման ժամանակ: