logo
ԻՄ ԱՆՏԱՌ ՀԱՅԱՍՏԱՆԸ ՄԻԱՑԵԼ Է ԲՈԴՈՒԻՆ ԹԱԳԱՎՈՐԻ ԱՆՎԱՆ ՀԻՄՆԱԴՐԱՄԻՆ
ԻՄ ԱՆՏԱՌ ՀԱՅԱՍՏԱՆԸ ՄԻԱՑԵԼ Է ԲՈԴՈՒԻՆ ԹԱԳԱՎՈՐԻ ԱՆՎԱՆ ՀԻՄՆԱԴՐԱՄԻՆ
Հոյակապ նորություն ունենք։ Իմ Անտառ Հայաստանը որպես գործընկեր կազմակերպություն միացել է հեղինակավոր Բոդուին թագավորի անվան հիմնադրամին։

Հիմնադրամը ստեղծվել է Բելգիայի թագավոր Բոդուինի կողմից 1976 թվականին՝ աջակցելու համար բազմաթիվ բարեգործական կազմակերպությունների՝ տարբեր ոլորտներում։ Տարիների ընթացքում տարբեր բարեգործական կազմակերպություններ միացել են՝ դառնալով գործընկերներ։ Ամենամեծ առավելությունն այն է, որ դոնորները կարող են ստանալ հարկային արտոնություններ իրենց նվիրատվությունների մասով։ 

Ավելին, Բոդուին թագավորի անվան հիմնադրամը բավականին դինամիկ է և համագործակցում է բազմաթիվ կազմակերպությունների հետ տարբեր երկրներից, ինչպես Ֆրանսիան, Նիդեռլանդները, Լյուքսեմբուրգը և Դանիան։

Եթե ցանկանում եք նվիրաբերել, այցելեք Բոդուին թագավորի անվան հիմնադրամի կայք և նվիրաբերեք օնլայն կամ կատարեք բանկային փոխանցում հետևյալ տվյալներով`

Koning Boudewijn Stichting - Fondation Roi Baudouin. IBAN: BE10.0000.0000.0404, structural reference: +++623/3888/10061+++ 

Հարկային արտոնությամբ նվիրաբերություններ Ավստրալիայից

Բոդուին թագավորի անվան հիմնադրամը նաև համագործակցում է այլ երկրների կազմակերպությունների հետ։ Իմ Անտառ Հայաստանը այսպիսով դարձել է նաև Միրիադ Ավստրալիայի գործընկերը՝ ստանալով հարկային արտոնություններ Ավստրալիայից կատարվող նվիրատվությունների համար։ 

Միրիադ Ավստրալիայի միջոցով Ավստրալիայից նվիրաբերություններ կատարեք օնլայն կամ բանկային փոխանցումով, հետևյալ տվյալներով․ Myriad Australia BSB: 013400 Account number: 476055509 Reference: My Forest Armenia

Ո՞րքան է անհրաժեշտ նվիրաբերել։ Մենք բոլորս արտանետում ենք ածխաթթու գազ, և որպես կանոն, կախված մեր սպառումից և ապրելակերպից, մեզանից յուրաքանչյուրի պարտքն է տնկել տարեկան 100-500 ծառ՝ փոխհատուցելու օդի աղտոտվածության համար։ Դուք կարող եք նվիրատվություն կատարել մեկ անգամ կամ ամսական։ Հարկային արտոնությամբ նվիրաբերությունների շնորհիվ կարող եք ավելի առատաձեռն լինել՝ հանուն մեր մոլորակի։

Օգտվեք այս բացառիկ հնարավորությունից և արդեն այսօր կատարեք հարկային արտոնությամբ նվիրատվություններ՝ ծառեր տնկելու և անտառային ծածկույթն ավելացնելու համար։

Copyright © 2024. My Forest Armenia. All Rights Reserved