Հոկտեմբերի 25-ին

Թուֆենկյան Ավանդական Երևան հյուրանոցում Մայ Ֆորեսթ Արմենիայի հիմնադիր

Անդրե Գումուշճեանը

բացման խոսքով հանդես եկավ՝ շեշտելով, որ ծրագրի նպատակն է մթնոլորտում ածխածնի արտանետումների նվազեցումը Հայաստանում անտառածածկույթի տոկոսի բարձրացման միջոցով և կոչ արեց գործողություններ ձեռնարկել նախագծին մասնակցելու համար: ՀՀ բնապահպանության նախարարության փոխնախարար

Վարդան Մելիքյանը

ողջունեց նախաձեռնությունը և հաջողություն մաղթեց ծրագրին՝ խոստանալով ցուցաբերել անհրաժեշտ աջակցություն:

Մենք արդեն սկսել ենք համագործակցությունը Հայաստանի ազգային ագրարային համալսարանի, ՀՀ Բնապահպանության նախարարության, Հայաստանի մանուկներ հիմնադրամի (COAF) և այլ գործընկերների հետ։ Մայ Ֆորեսթ Արմենիան համագործակցության հնարավորություն է տալիս այն անհատներին, ընկերություններին, ինստիտուտներին ու ընկերակցություններին, ովքեր ցանկանում են փոխհատուցել ածխածնի արտանետումը Հայաստանում ծառեր տնկելով։