Անտրէ Գումուշճեանը բելգիահայ բարերար և ձեռներեց է։ Նա Հարվարդի համալսարանի շրջանավարտ է։

Դեռևս 2013 թվականից ներգրավված է եղել Հայաստանի ու Արցախի տարբեր նախագծերում։

Անտրէն որոշել է հիմնել Մայ Ֆորեսթ Արմենիան, որովհետև կարծում է, որ պետք չէ ապագա սերունդների ուսերին դնել նախորդ սերունդների կողմից աղտոտված շրջակա միջավայրի բեռը։ Յուրաքանչյուրիս բարոյական պարտքն է ածխաթթու գազի իր արտանետումները մաքրելը։ Բարեբախտաբար դա կարելի է անել ծառ տնկելով։

Խորամուխ լինելով այս նախագծում՝ Անտրէն հասկացավ անտառների առանցքային կարևորությունը մեր մոլորակի համար։ Անտառները աներևակայելի բարդ էկոհամակարգ են և փոխկապակցված են կյանքի տարբեր բնագավառների հետ։ Կենսաբազմազանությունը, որ այն ստեղծում է, էական դեր ունի մարդ արարածի զարգացման գործում։

Անտրէն ներկայացնում է Մայ Ֆորեսթ Արմենիայի ռազմավարական տեսլականը։ Նա պատասխանատու է կազմակերպության ֆինանսավորման, ինչպես նաև ֆինանասական ու տնտեսական պլանավորման համար։

Լիլիթը մեր կազմակերպության բոլոր թիմերի կենտրոնական օղակն է։ Սիրելով բնությունը և համոզված լինելով, որ մարդկությունը, բուսական ու կենդանական աշխարհը դեռևս կարող են միասին ապրել, նա ոգևորված է Մայ Ֆորեսթ Արմենիայի՝ նոր կայուն անտառներ ստեղծելու տեսլականով և այնպիսի արժեքներով, ինչպիսիք են արդյունավետությունը և հոգատարությունը։․

Ունենալով մարքեթինգի, հաղորդակցության, վաճառքի և կառավարման ավելի քան 13 տարվա փորձ՝ Լիլիթը թիմերին մղում է հասնելու մեր կազմակերպության երկարաժամկետ նպատակներին։ Նա Երևանի պետական համալսարանի բանասիրության մագիստրոսի կոչում ունի։

Ունենալով անտառագետի երկար տարիների փորձ՝ Վահեն իր ողջ հմտությունն ու գիտելիքները ծառայեցնում է ի շահ Մայ Ֆորեսթ Արմենիայի առաքելության, տեսլականի և նպատակների առաջխաղացման։ Հիմնադրի հետ միասին նա ներկայացնում է կազմակերպության ռազմավարական տեսլականը։

Վահեի նախկին աշխատանքային փորձը անտառվերականգնման և տնկարանների ղեկավարման ոլորտում էր։ Նա աշխատել է Հայաստանի անտառների զարգացմանն ուղղված տարբեր ծրագրերում։ Վահեն ունի ՀՀԳԱԱ Բուսաբանության ինստիտուտի անտառային էկոֆիզիոլոգիայի կ․գ․թ․ կոչում։

Տարոնը պատասխանատու է անտառվերականգնման ծրագրերի տեխնիկական մասի համար և վերահսկում է ծրագրերի հետազոտական մասը։ Նա շրջակա միջավայրի մոդելավորման, աշխարհագրական տեղեկատվական համակարգի և հեռահար զոնդավորման մեծ փորձ ունի։ Նրա նախկին աշխատանքն առնչվում էր Հայաստանի բնական էկոհամակարգին, կլիմայական փոփոխությանը և անտառների վերականգնմանը։

Տարոնն ունի ՀՀԳԱԱ Բուսաբանության ինստիտուտի կ․գ․թ․ կոչում։ Նրա հրապարակած թեզն էր «Կլիմայի փոփոխության ազդեցությունը որոշ հազվագյուտ հայկական էկոհամակարգերի վրա»։

Ալինան պատասխանատու է Հայաստանում Մայ Ֆորեսթ Արմենիայի կորպորատիվ հարաբերությունների պահպանման և ֆոնդհայթայթման համար։

Նա ավարտել է Հայաստանի ազգային ագրարային համալսարանը։

Հեղինեն պատասխանատու է բարերարների հետ հարաբերությունների համար: Նա միացել է մեր թիմին, քանի որ սիրում է բնությունը, ծառերը, անտառները:

Ավարտել է Երևանի պետական համալսարանը և ունի մագիստրոսի կոչում միջազգային տնտեսական հարաբերություններում:

Թաթևիկը պատասխանատու է «Իմ Անտառը Հայաստան»-ի տեսողական պատմությունների և թվային ներկայության համար։ Ստանալով իր դիպլոմը Հայաստանի Ամերիկյան Համալսարանի անգլերենի և հաղորդակցության բաժնից՝ Թաթևիկը որոշեց վերադառնալ իր արմատներին՝ լեռներ, և վավերագրել գյուղական համայնքների տեսողական պատմությունները։

Փաթիլը թվային ռազմավար է, ով հրապուրված է ոչ առևտրային կազմակերպություններով և պատմելու արվեստով։ Նա ավելի քան 10 տարի ղեկավարել է ստեղծագործական արշավներ և սիրում է օգտագործել տվյալներն ու բովանդակությունը՝ համայնքային գործունեությունը խթանելու համար։ Նա ուսումնասիրել է սոցիոլոգիա և փիլիսոփայություն Տորոնտոյի համալսարանում, ինչպես նաև մարքեթինգ՝ Սենեկա քոլեջում։

Արփինեն պատասխանատու է կամավորական և այլ միջոցառումների կազմակերպման համար։

Նա ավարտել է Երևանի պետական համալսարանի հիդրոօդերեևութաբանության բաժինը և Հայաստանի անտառածածկույթի մեծացման ջատագով է:

Դիանան պատասխանատու է կազմակերպության ֆինանսական և հաշվապահական գործառնությունների իրականացման համար։

2007 թվականից աշխատում է որպես հաշվապահ։ Դիանան ավարտել է Երևանի պետական համալսարանի տնտեսագիտության ֆակուլտետի մագիստրատուրան։

Իրան աջակցում է Մայ Ֆորեսթ Արմենիայի ղեկավարներին և մյուս աշխատակիցներին կազմակերպչական և հաղորդակցության հետ կապված հարցերում։

Նա ավարտել է Երևանի Վ. Բրյուսովի անվան պետական լեզվահասարակագիտական համալսարանը։

Էդվարդը պատասխանատու է ջերմոցի համար և համակարգում է անտառվերականգնման աշխատանքներով զբաղվող աշխատակիցներին։

Նա ավարտել է Պոլիտեխնիկական համալսարանը որպես ճարտարագետ։ Էդվարդը տնկարանների և անտառվերականգնման ծրագրերի համակարգման 15 տարվա փորձ ունի։

Տարոնը պատասխանատու է տնկման և խնամքի աշխատանքների համար աշխատակիցների հավաքագրման և անտառապատման տարածքների աշխատանքները համակարգելու համար։

Նա ավարտել է Վանաձորի պետական մանկավարժական ինստիտուտի ֆիզմաթ ֆակուլտետի մաթեմատիկայի բաժինը։

Լևոնը պատասխանատու է տնկարանի համար աշխատակիցների աշխատանքը համակարգելու, ինչպես նաև տնկարանների և ծառատնկման լոգիստիկ աշխատանքները կազմակերպելու համար։

Նա 7 տարի աշխատել է «Հայանտառ» ՊՈԱԿ-ում որպես Վանաձորի անտառտնտեսության գլխավոր անտառապետ։

Գեղամը պատասխանատու է Դեբետ տնկարանի աշխատանքների համակարգման համար։ Նա կրթություն է ստացել Գուգարքի Գյուղտեխնիկումի մեխանիկայի բաժնում։

Գեղամը շուրջ 6 տարի աշխատել է «Հայանտառ» ՊՈԱԿ-ում որպես Եղեգնուտի անտառտնտեսության անտառապետ։

Սարգիսը պատասխանատու է տնկարանների շինարարության, տեխնիկական կարգավորման ու պահպանության համար։

Սարգիսը կրթություն է ստացել Վանաձորում։ Նա շինարարական ոլորտում ունի շուրջ 30 տարվա փորձ։