ՄԱԿ-ի օրվա կապակցությամբ հոկտեմբերի 24-ին  ՄԱԿ-ի Հայաստանյան գրասենյակը ֆինանսավորեց 18․000 ծառերի տնկումը Լոռու մարզում ՄԱԿ-ի անտառ հիմնելու նպատակով: Անտառն զբաղեցնում է 6 հա և գտնվում է Լոռու մարզի մեր Ջրաշեն II անտառապատման տարածքում:

Այս անտառի հիմնումը կատարվեց Աշնանային անտառտնկում 2022-ի շրջանակներում: Տպավորիչ էր այն, որ ՄԱԿ-ի Հայաստանյան գրասենյակի ավելի քան 50 աշխատակից կամավոր միացավ տնկման աշխատանքներին: Ավելորդ է նշել, որ հաջորդ երեք տարիների ընթացքում մենք կիրականացնենք տնկիների խնամքը, որպեսզի դրանք գոյատևեն և վերածվեն անտառի։

«Վստահ ենք՝ երկրի համար ռազմավարական նշանակության, երկարաժամկետ բնապահպանական ծրագրերին մեր աջակցության արդյունքները ոչ միայն կնպաստեն Հայաստանում անտառային ծածկույթի ավելացմանը, այլև կունենան դրական սոցիալ-

տնտեսական ազդեցություն համայնքների զարգացման վրա»,- նշեց ՀՀ-ում Միավորված ազգերի կազմակերպության մշտական համակարգողի պաշտոնակատար Լիլա Փիթրս Յահիան։

Մեզ համար պատիվ էր մասնակցել ՄԱԿ-ի օրվա տոնակատարությանը, որտեղ մեր հիմնադիր Անտրէ Գումուշճեանը պաշտոնապես հանձնեց ՄԱԿ-ի անտառի հիմնման մասին վկայականը տիկին Փիթերս Յահիային: Ոգևորված ենք, որ ունենք ՄԱԿ-ի Հայաստանյան գրասենյակի վստահությունը՝ իրենց անվանական անտառը հիմնելու համար: