Հայաստանի ազգային ագրարային համալսարանը մեր հիմնական գիտահետազոտական գործընկերն է։ Մենք համագործակցության տարբեր եզրեր կունենանք՝ սկսած սերմերի որակի վերլուծությունից, մինչև աճեցվող անտառների մշտադիտարկումը։ Համալսարանի Վանաձորի մասնաճյուղի տարածքում կառուցում ենք նոր ջերմոց։ Վերջինիս հիմնական մասը կծառայի որպես տնկարան, իսկ որոշ մասը համալսարանի դասախոսական և ուսանողական կազմի կողմից անցկացվող հետազոտություններին կնվիրվի։
«Դիլիջան ազգային պարկ» ՊՈԱԿ-ի հետ կնքել ենք փոխըմբռնման հուշագիր։ Մենք համագործակցելու ենք տարբեր ոլորտներով։ Մեր առաջին նախագիծն ազգային պարկի ներսում 20 հա քայքայված անտառի վերականգնումն է։
«Հայանտառ» ՊՈԱԿ-ը պատասխանատու է Հայաստանի անտառային տարածքների մեծ մասի համար։ Մենք կնքել ենք փոխըմբռնման հուշագիր և սերտորեն համագործակցելու ենք բարձրորակ ծառեր հայտնաբերելուց և սերմահավաք իրականացնելուց սկսած մինչև ՊՈԱԿ-ի պատասխանատվության ներքո գտնվող տարածքների անտառվերականգնումը։
Մենք սերտորեն համագործակցում ենք ՀՀ շրջակա միջավայրի նախարարության և դրա հովանու ներքո գործող «Հայանտառ» և «Դիլիջան ազգային պարկ» ՊՈԱԿ-ների հետ։ Նախարարության հետ մենք համակարգում ենք անտառվերականգնմանն ուղղված մեր տարատեսակ ծրագրերը։
Մենք պայմանագիր ենք կնքել COAF-ի հետ և Դեբետ գյուղի՝ իրենց SMART CENTER-ում հիմնել ենք տնկարան 2019 թվականին։ COAF-ի և My Forest Armenia-ի միջև համագործակցությունը հատկապես հաջողված է, քանի որ խորը ներդաշնակություն կա մեր թե՛ նպատակների, թե՛ գործողությունների միջև, որն է նպաստել Հայաստանի գյուղերի տնտեսական զարգացմանը։ Այդուհանդերձ, միայն Դեբետ գյուղից յոթ աշխատող ունենք մեր տնկարանում։
Մենք ռազմավարական համագործակցություն ենք սկսել CO2logic-ի հետ, որը բելգիական կազմակերպություն է։ Հիմնադրվել է 2007 թվականին Անտուան Գերինկսի կողմից։ Կազմակերպությունը մոտ 30 փորձագետ ունի և մասնագիտացված խորհրդատվություն է մատուցում բնական վառելիքի արտանետումների հաշվարկման, նվազեցման և մեղմացման վերաբերյալ։ Այն հանդես է գալիս որպես խորհրդատու այն ընկերությունների համար, որոնք ձգտում են նվազեցնել և փոխհատուցել ածխածնի իրենց հետքը։ Մեր համագործակցությունը լինելու է երեք ձևով: Մենք պատրաստում ենք ածխածնի փոխհատուցման լայնածավալ ծրագիր համաշխարհայնորեն ճանաչված վկայագրերով։ Մենք նաև նրանց՝ վերջերս ստեղծված Go Forest ծառատնկման կազմակերպության անտառվերականգնման չորս հաստատված նախագծերից մեկն ենք։ Առաջիկա ամիսներին մենք նաև աջակցություն կստանանք EarthFunders քրաուդֆանդինգային հարթակից։