Դրանից 102,842-ը տնկվել է Ջրաշեն I-ում, որտեղ 2021 թվականին իրաանացրել էինք մեր առաջին խոշոր անտառապատման աշխատանքները: Այս տարածքի որոշ հատվածներ հողակլիմայական պայմանների տեսանկյունից այնքան էլ բարենպաստ չէին, և կպչողունակության մակարդակը բավարար չէր:

 Վերատնկման հիմնական նպատակն էր լրացնել և փոխարինել չկպած ծառերը. մեր նպատակը ոչ թե ծառատունկն է, այլ անտառ ստեղծելը։ Այդ պատճառով մենք կատարում ենք անընդհատ մոնիթորինգ, խնամք ու վերատնկում ենք այնտեղ, որտեղ անհրաժեշտ է, որպեսզի անտառը կազմավորվի։

Մյուս տարածքը, որտեղ այս գարնանը կատարել ենք ծառատունկ, Լեռնաջուր III-ն էր․ 10 հա նոր տարածքում տեղադրեցինք ցանկապատ և տնկեցինք 11,732 ծառ։
Այս գարնանը տնկել ենք ավելի քիչ, քան անցյալ տարի, քանի որ ձմեռը երկար էր, և նվիրատվությունների ծավալն էլ ոչ նույնքան մեծ։

Այդուհանդերձ, 120 մարդ մասնակցեց ծառատնկմանը և աշխատեց այս 2-3 շաբաթների ընթացքում։ Սա կարևոր եկամտի աղբյուր է հեռավոր համայնքներում ապրող ընտանիքների համար, քանի որ աշխատատեղերը սակավ են։

Ավելի քան երբևէ ձեր աջակցությունը կարևոր է, որ այս ցուցանիշներն աճեն։ Մենք բոլորս պիտի միանանք, որպեսզի համատեղ ջանքերով մեր հաջորդ սերունդերին թողնենք հայրենիք, որտեղ ապրելը հնարավոր կլինի։ Խնդրում ենք նվիրաբերել և օգնել մեզ իրականացնել այս առաքելությունը։