Մեր մասին
Անտրէ Գումուշճեան
Հիմնադիր և գլխավոր տնօրեն
Անտրէ Գումուշճեանը բելգիահայ բարերար և ձեռներեց է։ Նա Հարվարդի համալսարանի շրջանավարտ է։
Դեռևս 2013 թվականից ներգրավված է եղել Հայաստանի ու Արցախի տարբեր նախագծերում։
Անտրէն որոշել է հիմնել Մայ Ֆորեսթ Արմենիան, որովհետև կարծում է, որ պետք չէ ապագա սերունդների ուսերին դնել նախորդ սերունդների կողմից աղտոտված շրջակա միջավայրի բեռը։ Յուրաքանչյուրիս բարոյական պարտքն է ածխաթթու գազի իր արտանետումները մաքրելը։ Բարեբախտաբար դա կարելի է անել ծառ տնկելով։
Խորամուխ լինելով այս նախագծում՝ Անտրէն հասկացավ անտառների առանցքային կարևորությունը մեր մոլորակի համար։ Անտառները աներևակայելի բարդ էկոհամակարգ են և փոխկապակցված են կյանքի տարբեր բնագավառների հետ։ Կենսաբազմազանությունը, որ այն ստեղծում է, էական դեր ունի մարդ արարածի զարգացման գործում։
Անտրէն ներկայացնում է Մայ Ֆորեսթ Արմենիայի ռազմավարական տեսլականը։ Նա պատասխանատու է կազմակերպության ֆինանսավորման, ինչպես նաև ֆինանասական ու տնտեսական պլանավորման համար։
Լիլիթ Մարտիրոսյան
Փոխտնօրեն
Լիլիթը մեր կազմակերպության բոլոր թիմերի կենտրոնական օղակն է։ Սիրելով բնությունը և համոզված լինելով, որ մարդկությունը, բուսական ու կենդանական աշխարհը դեռևս կարող են միասին ապրել, նա ոգևորված է Մայ Ֆորեսթ Արմենիայի՝ նոր կայուն անտառներ ստեղծելու տեսլականով և այնպիսի արժեքներով, ինչպիսիք են արդյունավետությունը և հոգատարությունը։
Ունենալով մարքեթինգի, հաղորդակցության, վաճառքի և կառավարման ավելի քան 13 տարվա փորձ՝ Լիլիթը թիմերին մղում է հասնելու մեր կազմակերպության երկարաժամկետ նպատակներին։ Նա Երևանի պետական համալսարանի բանասիրության մագիստրոսի կոչում ունի։
Վահե Մարտիրոսյան
Գործառնական ղեկավար
Ունենալով անտառագետի երկար տարիների փորձ՝ Վահեն իր ողջ հմտությունն ու գիտելիքները ծառայեցնում է ի շահ Մայ Ֆորեսթ Արմենիայի առաքելության, տեսլականի և նպատակների առաջխաղացման։ Հիմնադրի հետ միասին նա ներկայացնում է կազմակերպության ռազմավարական տեսլականը։
Վահեի նախկին աշխատանքային փորձը անտառվերականգնման և տնկարանների ղեկավարման ոլորտում էր։ Նա աշխատել է Հայաստանի անտառների զարգացմանն ուղղված տարբեր ծրագրերում։ Վահեն ունի ՀՀԳԱԱ Բուսաբանության ինստիտուտի անտառային էկոֆիզիոլոգիայի կ․գ․թ․ կոչում։
Տարոն Ալեքսանյան
Ավագ գիտաշխատող և ԱՏՀ մասնագետ
Տարոնը պատասխանատու է անտառվերականգնման ծրագրերի տեխնիկական մասի համար և վերահսկում է ծրագրերի հետազոտական մասը։ Նա շրջակա միջավայրի մոդելավորման, աշխարհագրական տեղեկատվական համակարգի և հեռահար զոնդավորման մեծ փորձ ունի։ Նրա նախկին աշխատանքն առնչվում էր Հայաստանի բնական էկոհամակարգին, կլիմայական փոփոխությանը և անտառների վերականգնմանը։ Տարոնն ունի ՀՀԳԱԱ Բուսաբանության ինստիտուտի կ․գ․թ․ կոչում։ Նրա հրապարակած թեզն էր «Կլիմայի փոփոխության ազդեցությունը որոշ հազվագյուտ հայկական էկոհամակարգերի վրա»։
Դիանա Կիրակոսյան
Գլխավոր հաշվապահ
Դիանան պատասխանատու է կազմակերպության ֆինանսական և հաշվապահական գործառնությունների իրականացման համար։
2007 թվականից աշխատում է որպես հաշվապահ։ Դիանան ավարտել է Երևանի պետական համալսարանի տնտեսագիտության ֆակուլտետի մագիստրատուրան։
Ալինա Կարապետյան
Կորպորատիվ կապերի ղեկավար
Ալինան պատասխանատու է Հայաստանում Մայ Ֆորեսթ Արմենիայի կորպորատիվ հարաբերությունների պահպանման և ֆոնդհայթայթման համար։
Նա ավարտել է Հայաստանի ազգային ագրարային համալսարանը։
Արփինե Ալեքսանյան
Կորպորատիվ ֆոնդհայթայթող
Արփինեն պատասխանատու է Հայաստանում և Ռուսաստանում կորպորատիվ ֆոնդհայթայթման համար։
Նա ավարտել է Երևանի պետական համալսարանի հիդրոօդերեւութաբանության բաժինը և Հայաստանի անտառածածկույթի մեծացման ջատագով է:
Սարին Միսսերլեան
Ֆոնդհայթայթող
Սարինը պատասխանատու է ԱՄՆ-ում կամավորական ֆինանսական աջակցություն և ներդրումներ ձեռք բերելու համար։
Նա ավարտել է Կալիֆորնիայի Նոտր Դամ դե Նամուր համալսարանը և ունի հանրային կառավարման մագիստրոսի կոչում:
Սաթենիկ Ասիլյան
Հաղորդակցության ղեկավար
Սաթենիկը պատասխանատու է հաղորդակցության կառավարման համար։ Նա հաղորդակցության մասնագետի մեծ փորձ ունի թե՛ հանրային, թե՛ մասնավոր հատվածում։
Սաթենիկն ավարտել է ՀՀ պետական կառավարման ակադեմիան հանրային կառավարման մագիստրոսի կոչմամբ։
Անի Հարությունյան
Թվային մարքեթինգի մասնագետ
Անին պատասխանատու է Մայ Ֆորեսթ Արմենիայի բոլոր թվային հարթակներում մարքեթինգային արշավների մշակման և իրականացման համար։
Նա հմտորեն տիրապետում է ժամանակակից մարքեթինգային գործիքներին ու ռազմավարական մեթոդներին և ունի հասարակական կազմակերպություններում աշխատելու մեծ փորձ։
Մերի Մայիլյան
Ադմինիստրատիվ օգնական
Մերին աջակցում է Մայ Ֆորեսթ Արմենիայի ղեկավարներին և մյուս աշխատակիցներին կազմակերպչական և հաղորդակցության հետ կապված հաարցերում։
Նա ավարտել է Երևանի Վ. Բրյուսովի անվան պետական լեզվահասարակագիտական համալսարանը։
Էդվարդ Էդարյան
Տարածքային ղեկավար
Էդվարդը պատասխանատու է ջերմոցի համար և համակարգում է անտառվերականգնման աշխատանքներով զբաղվող աշխատակիցներին։ Նա ավարտել է Պոլիտեխնիկական համալսարանը որպես ճարտարագետ։ Էդվարդը տնկարանների և անտառվերականգնման ծրագրերի համակարգման 15 տարվա փորձ ունի։
Լևոն Մխիթարյան
Տարածքային համակարգող
Լևոնը պատասխանատու է անտառվերականգնման ծրագրերի համար աշխատակիցներ ընդունելու և նրանց համակարգելու համար։
Նա 7 տարի աշխատել է «Հայանտառ» ՊՈԱԿ-ում որպես Վանաձորի անտառտնտեսության գլխավոր անտառագետ։
Սարգիս Պետրոսյան
Շինարարության ղեկավար
Սարգիսը պատասխանատու է տնկարանների շինարարության, տեխնիկական կարգավորման ու պահպանության համար։
Սարգիսը կրթություն է ստացել Վանաձորում։ Նա շինարարական ոլորտում ունի շուրջ 30 տարվա փորձ։
Աշոտ Ժամհարյան
Շինարարության մասնագետ
Աշոտն օգնում է Սարգսին տնկարանների շինարարական աշխատանքներում։
Նա թիմի հուսալի և պատասխանատու անդամ է, ով մշտապես աշխատում է իր գիտելիքներն ու հմտություններն այս ոլորտում զարգացնելու ուղղությամբ։
Պարգև Պոստոլակյան
Սուրեն Պոստոլակյան
Արայիկ Պոստոլակյան
Հասմիկ Խառատյան
Նվարդ Խառատյան
Սուսաննա Խառատյան
Անուշ Խառատյան
Աննա Մովսիսյան
Էդիկ Մովսիսյան
Թինա Մովսիսյան
Հասմիկ Խաչատրյան
Հրանտ Խաչատրյան
Ռուզաննա Պողոսյան
Դեբետ տնկարան
Գեղամ Հակոբյան, աշխղեկ
Սեդա Չոփուրյան
Զարինե Հակոբյան
Նարինե Մատինյան
Կորյուն Նազլուխանյան
Արմինե Պողոսյան
ԿԱՅՈՒՆ ԶԱՐԳԱՑՄԱՆ ՆՊԱՏԱԿՆԵՐ
Մեր կազմակերպությունը հիմնականում գործում է ՄԱԿ-ի կողմից հաստատված 17 Կայուն զարգացման նպատակներից երկուսի ուղղությամբ.
Պայքարել կլիմայի փոփոխության դեմ՝ նվազեցնելով մթնոլորտում ածխաթթու գազի ծավալը
Պաշտպանել և վերականգնել էկոհամակարգերը, կայուն կերպով կառավարել անտառները և պայքարել անապատացման դեմ
Միևնույն ժամանակ մեր աշխատանքի արդյունքում մենք ազդեցություն ունենք նաև հետևյալ ուղղություններով․
Նվազեցնել աղքատությունը՝ զարգացնելով համայնքները
Բարելավել սնունդը
Ապահովել ջրի առկայությունը
Նպաստել կայուն տնտեսական աճին
ԱՇԽԱՐՀԱԳՐԱԿԱՆ ՏԱՐԱԾՔ
Մենք Հայաստանում ծառեր ենք տնկում և անտառներ ստեղծում հետևյալ պատճառներով.
Հայաստանը ունի 11,2% անտառածածկույթ, ինչը ցածր ցուցանիշ է հարևան երկրների համեմատ,
Բարելավելով այս գրավիչ լեռնային երկրի բնությունը,
Աշխատուժի ցածր գին,
Գյուղական համայնքներ, որոնք կարող են աջակցել անտառների պահպանմանը:
Մեր անտառվերականգնման ծրագրերը սկզբում կենտրոնանալու են Լոռու և Տավուշի մարզերում։
